بصراحة مكنتش متوقع

بقالنا بالظبط 15 ساعة و ( زاك وركس ) اونلاين
والحمد لله في عدد الساعات القليل ده سجل في الموقع أكتر من 150 يوزر

مبسوط إن تعبي مرحش ع الفاضي طول شهر من غير نوم ولا أكل
ولا حركة من علي كرسي مكتبي اللي شكلي من كتر القاعدة عليه هاغيره
وتقريباً مكنتش بنزل من البيت

كل التعب ده راح في لحظة ما الويب سايت بقي اونلاين
وانا شايف كل ساعة عدد اللي بيسجلوا بيزيد

متتخيلوش كمية المشاكل والصعوبات اللي قابلتها
هاحكيلوا عنها في الحلقة اللي جاية من زاك توك ان شاء الله
وكمان هاندردش في الحلقة عن محتوي كورس الموشن جرافير بالتفصيل

عشان اللي ياخد الكورس يبقي عارف كل تفصيله فيه

خدلك لفه بقي في وقلي رأيك إيه
ومتنساش تشوف اللينك ده عشان تعرف أكتر عن الكورس

وفيه خصومات لكل الفريندز ع الفيسبوك
والمشتركين في قناتي اليوتيوب

وفيه مفاجأة حلوة اوي لأول ناس سجلت في الموقع
بس مش هأعلن عنها دلوقتي

ودلوقتي انا في مرحلة جديدة وهي مرحلة تجهيز الكورس ومحتواه
ودي مرحلة مهمة جداً وتقيلة ومينفعش يحصل فيها غلط ولو 1% حتي

عندي حاجات كتير اوي عايزه تتعمل .. تسجيل المحتوي والشرح التفصيلي
لكل جزء في برنامج الأفترإفيكتس وطبعاً التسجيل بأعلي جودة ممكن تتخيلوها
وتجهيز الفيديوهات التعريفية بالكورس وكمان إعلان الكورس

أدعولي بقي المرحلة دي تعدي علي خير
عشان فعلاً نفسي ارتاح شوية أو حتي انام زي الناس

صباحكم فل
وأهلاً بيكم في زاك وركس