Preaload Image

الفيلم القصير .. أحلمش

بيحكي قصة شاب حالم عنده موهبة في الرسم ممكن تخليه في مكان تاني غير مكانه وتتغير حياته 180 درجة لكن الروتين بيسيطر عليه بسبب شغله في شركة وفي شغلانة هو مش بيحبها وبيواجه كل يوم مشاكل وزهق الروتين اللي بيخنقه لحد ما هياخد قرار مهم في حياته .. تفتكروا هايعرف يحقق حلمه ولا هايفشل ؟

الفيلم إنتاج زاك وركس – إخراج وتصوير محمد زقزوق وشارك في الفيلم
مساعد مخرج هدى العوام – موسيقي تصويرية أحمد أنور( سانتانا ) – تمثيل محمد سامي ومحمد عزت – مساعد لوكيشن إسلام المهدي – مونتاج نور جلال – تصوير ميكنج هديل العوام – ترجمة الفيلم حسام الدين حسن

شوف الفيلم وإعرف أكتر

أحلم لنفسك .. متخليش حد يحلمك

 مشكلتنا في مصر إننا بنبقي عارفين إننا بندرس حاجة .. وهانتخرج هانشتغل حاجة تانية .. وإحتا أصلاً حلمنا حاجة تالتة خالص .. سألنا مجموعة من الشباب .. كان نفسك تطلع إيه وإنت صغير ؟ فكانت إجابتهم غريبة جداً لدرجة إننا إكتشفنا حاجة في تربيتنا وفي تقاليدنا كمصريين أو حتي كعرب .. وهي تحكم الأهل في مصير ومستقبل إبنهم أو بنتهم ممكن يدمر مستقبل جيل كامل ووطن كمان عشان كده بنقول أحلم لنفسك ومتخليش حد يحلمك

الفيلم إتصور في جامعة عين شمس .. كلية هندسة .. كانت ورشة عمل لتعليم صناعة الأفلام والفيديو ريبورتاج ومحمد زقزوق كان المسئول عن الورشة ومشرفها والفيلم ده كان أحد مشاريع الورشة

شوف الفيلم وإعرف أكتر

الصلاة هي الحياة

فيلم بسيط جداً في فكرته وهي إن الصلاة في حياتنا هي أهم حاجة وبيها تستقيم حياتنا ونضمن بيها حلاوة الدنيا وكمان الأخرة عشان كده لازم نهتم بصلاتنا لانها هي الحياة

الفيلم إنتاج هيئة الأمر بالمعروف والنهي عن المنكر – إخراج وتصوير محمد زقزوق وشارك في الفيلم
مساعد لوكيشن محمدو الحضري – تمثيل إسلام مهدي – تصوير ميكنج محمد كامل

من الحاجات الطريفة في الفيلم ده .. إن كل اللي إشتغلوا فيه مصريين حتي الأرض اللي إتصور عليها الفيلم أرض مصرية والفيلم أصلاً إنتاج سعودي والجهة المستفيدة منه سعودية

شوف الفيلم وإعرف أكتر