أكاديمية ( زاك وركس ) متخصصة في كل ما له علاقة بالمجال سواء كان جرافيك ديزاين أو موشن جرافيكس أو فيلم ميكنج هتلاقوا في الأكاديمية 3 أقسام أساسية

القسم الأول : الكورسات اللي بنقدمها بمقابل مادي وهاتكون كورسات علي أعلي مستوي من الأحترافية من بداية محتواها إلي جودة الكورس نفسه كفيديوهات وصوت لتوصيل المعلومة إليكم بأفضل صورة ممكنة والهدف هنا هو إخراج جودة نهائية نتحدي بيها نفسنا أولاً وتكون مصدر تعليمي إحترافي ليكم ثانياً وأهم أهداف القسم ده هو توفير الكورسات بأسعار رمزية تناسب جميع فئات الطلبة وكمان اللي شغالين في المجال أو حتي اللي عايزين يغيروا مجالهم

القسم التاني : هو جزء ورش العمل والدروس المجانية المختلفة في مجالات الجرافيكس كلها ودي بتتعمل كل فترة علي ( زاك وركس ) بشكل دوري ومجاني تماماً عشان تكون عنصر مساعد للناس اللي خدت الكورسات فيقدروا يطبقوا دروس أكتر ويطوروا من مستواهم أكتر وكمان للناس اللي مش مشتركة في أي كورس وعايزين يتعلموا أو يطوروا من مستواهم الحالي

القسم التالت : هو جزء ( زاك توك ) البرنامج اللي بيقدمه الكريتف دايركتور صانع الأفلام محمد زقزوق  علي اليوتيوب ويعتبر البرنامج منصة لكل الناس عشان يشوفوا جديد المجال أو يسألوا عن أي حاجة شاغلة بالهم وبيتكلم البرنامج عن الجرافيكس عموماً وكمان صناعة الافلام وعن أي حاجة تخص الفنانين في كل المجالات

دلوقتي كل اللي عليك إنك تقدر تختار القسم اللي تحب تبدأ بيه رحلتك في زاك وركس