لقائي مع الفنان مصطفي مكرم

إتكلمت فيه عن نفسي وقلت أسرار أول مرة الناس تسمعها واتكلمت عن قصتي في مجال الجرافيكس وإزاي بدأت  وإزاي قدرت أشتغل في المجال وطبعا الكلام كان عن الموشن جرافيكس بشكل كبير شرحت فيه يعني ايه معني الموشن جرافيكس ومجالات تخصصه والبرامج اللي بتساعد في إنتاج النوع ده من الفن وفي أخر اللقاء شرحت إنترفيس الأفترإفيكتس وعملت درس قوي جداً اللقاء ده هيساعدك تعرف حاجات كتير عن مجال الموشن جرافيكس

مع الإعلامي أحمد يوسف علي قناة النيل الثقافية

كان الكلام المرادي مختلف تماماً وملوش أي علاقة بالجرافيكس .. إتكلمت عن الخيال العلمي وتأثيره علينا كبشر وأد ايه التطور في المجال ده وصل في العالم وعن أشهر الأفلام العالمية اللي إتكلمت عن حقائق علمية

حواري مع نقاشين جرافيك

من أكتر اللقاءات اللي اتكلمت فيها بتوسع في مجال الجرافيكس عموماً وكان التركيز أكتر علي المصمم وإزاي يقدر يبدأ في المجال ويشهر شغله ويسوق لنفسه ويبدأ في سوق العمل وعن عيوب مجالنا وعن النصب في المجال وإزاي تحمي نفسك منه وعن الكورسات اللي بتبقي من غير منهج علمي وكل هدفها لم فلوس وخلاص

مع الصحفي إسلام المهدي

 بعد إيفينت ( المصممين المصريين ) اللي كنت سبيكر فيه بتكلم عن الموشن جرافيكس .. إتشرفت بإستضافة الصحفي إسلام المهدي عندي في البيت .. وكان لقاء شيق وخفيف علي قلبي إتكلمت فيه عن الموشن جرافكيس برضة وعن مجال الفيلم ميكنج وعن الصعوبات اللي ممكن تقابلك كمصمم جرافيكس أو فنان عموماً وعن حاجات كتير لازم تشوف الانترفيو ده عشان تعرفها .. وكان شعري طويل كمان وقتها

لقائي الأول في قناة النيل الثقافية

لقاء كان غريب حبتين .. كنت تعبان جداً اليوم ده درجة حرارتي كانت 39 وكنت مش فاهم ولا عارف انا بقول ايه لكن تمالكت نفسي وقدرت أتكلم الحمد لله .. عن تاريخ الموشن جرافيكس وعن الالهام ومصادره وكمان اتكلمت عن حلمي في المستقبل لقاء خفيف وكان ممكن يبقي افضل لو كانت ظروفي الصحية أحسن من كده يومها